Mınıstr Jańa jyl merekesin otbasy múshelerimen ǵana atap ótýge keńes berdi

NUR-SULTAN. QazAqparat – Densaýlyq saqtaý mınıstri Alekseı Tsoı Jańa jyl merekesinde kóp bolyp jınalmaı, otbasy múshelerimen ǵana atap ótýge keńes berdi, dep habarlaıdy QazAqparat tilshisi.

«Jańa jyl keshin otbasymen qarsy alyp, belsendi demalysta ótkizgen jón. Ashyq aýada serýendegen de paıdaly. Áıtse de aýqymdy sharalardan bas tarta turýǵa keńes beremiz. Otbasynyń ortasynda merekeni toılaǵan jón. Kóppen qarym-qatynasta bolý, qandaı da bir sharalarǵa barýdy toqtata turǵan durys», - dedi Alekseı Tsoı Ortalyq kommýnıkatsııalar qyzmetinde ótken baspasóz máslıhatynda.

Eske sala ketsek, Alekseı Tsoı «Qazaqstanda jeltoqsan nemese qańtar aılarynda qatań karantın sharalary engizilýi múmkin be» degen suraqqa jaýap bergen bolatyn.