Mınıstr xalyqqa aqparatty usyný jaǵynan úzdik memorgandardy atady
"Mınıstrlik ótkizgen monıtorıngke sáıkes, ortalyq memlekettik organdardyń ishinde Energetıka mınıstrligi, ádilet mınıstrligi, ınvestıtsııalar jáne damý mınıstrligi, densaýlyq saqtaý jáne áleýmettik damý mınıstrliginiń (qazirgi kezde eki bólek mınıstrlik - avt.) resmı saıttarynda tolyqqandy aqparat bar. Al jergilikti atqarýshy organdardyń ishinde Shyǵys Qazaqstan, Ońtústik Qazaqstan men Almaty oblystarynyń portaldarynda xalyqqa qajetti aqparatty jarııalaý jaǵy jaqsy. "Aqparat týraly" zań kúshine engeli beri birshama ózgerister baıqalyp otyr. Alaıda, ashyq aqparatty resmı saıttarda jarııalaý jumysy áli de aqsap keledi", - dedi Abaev búgingi keńeıtilgen alqa májilisinde.
«Aıta keteıik, memlekettik organdardyń tıisti aqparatty resmı saıttarda jarııalaý mindeti Qazaqstannyń Sybaılas jemqorlyqqa qarsy strategııasynda da kórsetilgen. Degenmen, keıbir memlekettik organdar ashyq resýrstar arqyly óz jumysyn jetkilikti túrde kórsetpeıdi ıaǵnı, halyqqa tolyqqandy aqparat berilmeıdi. Máselen, memlekettik organdardyń resmı saıttaryndaǵy bólimderdi aqparatpen toltyrý boıynsha naqty mindet bar. Alaıda, ol mindetti oryndaý jaǵy kenjelep tur. Osy ýaqytqa deıin jiberilgen eskertýlerge qaramastan, resmı aqparatty jańartý jaǵy syn kótermeıdi», - deıdi Qazaqstannyń Sybaılas jemqorlyqqa qarsy strategııasy aıasyndaǵy sharalardy atqarýdy baqylaý jónindegi arnaıy toptyń múshesi Vıktor Býss.
Budan bólek, memlekettik organdar óz saıttaryn aǵylshyn tilinde júrgizýge asyqpaıdy. Sonyń saldarynan sheteldik sarapshylar olardyń jumysyna baǵa bere almaýda.
«Memlekettik organdardyń barlyǵynda derlik jemqorlyqqa qarsy qosymshalar aǵylshyn tiline aýdarylmaǵan. Buny ózi olardyń tıisti jumysqa atústi qaraıtynyn kórsetse kerek. Negizi, halyqaralyq sarapshylar resmı málimettermen birge saıttardan qajetti aqparatty alyp otyrady. Demek, qazir olar ondaı aqparatty ala almaı otyr. Sodan memlekettik organdardyń ımıdji tómendeıdi. Sondyqtan osy saladaǵy jumysty kúsheıtý kerek», -deıdi Býss.
