Mınıstr ústemeaqylaryn áli almaǵan muǵalimderge qatysty pikir bildirdi
ASTANA. QazAqparat - QR Bilim jáne ǵylym mınıstri Erlan Saǵadıev keıbir oblystarda muǵalimderge 30 protsenttik ústemeaqynyń tólenbeı jatqanyna qatysty pikir bildirdi, dep xabarlaıdy QazAqparat tilshisi.
«Iá, bir-eki oblys bar. Biraq dál qazir naqty qaı jer ekenin aıta almaımyn. Másele mynada, respýblıkalyq bıýdjetti naqtylaý jumysy sál keshteý júrgiziledi. Sol sebepti biz jergilikti bıýdjetterdiń esebinen tólene bersin dep ótinish jasadyq. Qazir barlyq oblystar tólep jatyr. Bir-eki aımaqta áli berilgen joq. Qaı oblystar ekenin naqtylaımyz da, osy jumystyń tezdetip atqarylýyn qadaǵalaıtyn bolamyz. Barlyq muǵalimder ústemeaqysyn alady», - dedi E.Saǵadıev Úkimette jýrnalısterge bergen suxbatynda.
Aıta keteıik, Úkimettiń búgingi otyrysynda mınıstr muǵalimderdiń attestatsııasyn ótkizetinin málimdedi. Jańa júıege sáıkes, buǵan deıingi ústameaqylardyń barlyǵy saqtalady.
