Mınıstr úsh jylda bıznes qansha qarjy únemdeı alatynyn aıtty

NUR-SULTAN. QazAqparat – Ulttyq ekonomıka mınıstri Rýslan Dálenov elimizde shaǵyn bıznesti qoldaý sharalary týralı aıtty , dep habarlaıdy QazAqparat tilshisi.

«Shaǵyn bıznesti qoldaýda mańyzdy qadam Memleket basshysynyń byltyr jarııalaǵan bastamalaryn júzege asyrýǵa qatysty boldy. Prezıdenttiń tapsyrmasy boıynsha 2019 jyly mıkro jáne shaǵyn bıznestiń tabystaryn salyqtan bosatý úshin zańnamalyq baza qabyldandy», - dedi mınıstr onlaın rejımde halyq aldynda esep berý barysynda.

Bul arnaıy salyq rejımin qoldanatyn bızneske qatysty.

«Salyqtan bosatý úsh jyldy qamtıdy, ıaǵnı 2020, 2021 jáne 2022 jyly iske asyrylady. Nátıjesinde, 1 mln-nan astam mıkro, shaǵyn kásipkerlik sýbektisi úsh jylda salyq boıynsha 382 mlrd teńgeni únemdeıdi», - dedi R. Dálenov.

Budan buryn habarlanǵandaı, mınıstr bıylǵy qańtar-sáýirde eksport 18 mlrd dollar bolǵanyn aıtty.