Mınıstr Ulttyq kınony qoldaý ortalyǵyna qatysty tergeýge pikir bildirdi
«Shynynda da, Sybaılas jemqorlyqqa qarsy qyzmetinen ondaǵy zańbuzýshylyqtar týraly habarlama kelip tústi. Ulttyq kınony qoldaý ortalyǵynyń basshysy Sársenova hanymǵa qatysty tergeý júrip jatyr. Áli sot bolǵan joq. Ózderińiz biletindeı, zańǵa sáıkes adam tergeýde bolǵan kezde eger ol óz erkimen ótinish bermese nemese basqa da ákimshilik sharalar qoldanbasa, ony jumystan shyǵarý múmkin emes», - dedi Mádenıet jáne sport mınıstri Aqtoty Raıymqulova OKQ-da ótken baspasóz máslıhatynda.
Aqtoty Raıymqulova osy sebepti ortalyqtyń jetekshiligi áli de Sársenovada ekenin aıtyp ótti.
«Biz sot sheshimin kútemiz. Kez-kelgen jaǵdaıda sot sheshimi shyqqanǵa deıin adam óziniń quqyǵyn paıdalana alatynyn bilesizder. Sondyqtan búgin de bizde áli eki jas orynbasar bar. Ol orynǵa kezinde Qazaqfılmdi basqarǵan Arman Ásenov usynyldy. Biraq ókinishke qaraı, ol bas tartty. Sondyqtan sot otyrysy ótip, bul oryn bosatylǵan kezde, árıne, konkýrstyq negizde basshy anyqtalady. Bizde osy salada jumys isteı alatyn shyn laıyqty adamdar bar dep oılaımyn», - dedi mınıstr.
