Mınıstr ulttyq qaýipsizdik úshin engizilgen sharalarǵa túsinik berdi
«Keshe Memleket basshysy Qasym-Jomart Toqaev áskerı mindetti azamattardy arnaýly jıyndarǵa shaqyrý týraly qaýlysy shyqty. Búgin Nur-Sultan jáne Almaty qalalarynda jumys isteıtin kúnder ýaqyty 13 sáýirge deıin uzartyldy, Koronavırýs juqtyrǵandardyń statıstıkasy únemi jańarýda. Іndet elimizdiń túgelge jýyq óńirine taraldy. Sondyqtan birqatar óńirlerde karantın talaptary kúsheıtildi. Munyń barlyǵy azamattar úshin moraldyq-emotsııalyq turǵyda ońaı emes ekenin bilemiz. Sol úshin qazir eń bastysy, sabyr saqtaý jáne moıymaý. Aǵaıyn, umytpaıyq – bul ýaqytsha ǵana qıyndyq. Biz ony jeńemiz!», - dedi mınıstr «Habar 24» telearnasynyń tikeleı efırinen.
Osy oraıda ol bul sharalar qaýipsizdik maqsatynda iske asyrylyp jatqanyn eske saldy.
«Bul sheshimniń barlyǵy ulttyq qaýipsizdik úshin qajet sharalar. Basty maqsat – eldiń qaýipsizdigi. Sondyqtan aıtylǵan talaptardy qatań saqtaý kerek. Qoǵam amandyǵynyń basty sharty osy», - dedi Dáýren Abaev.
Eske sala keteıik, bıyl 2 sáýir kúni Qazaqstan Prezıdenti áskerı mindettilerdi arnaýly jıynǵa shaqyrý týraly jarlyq shyǵardy.
Sonymen qatar, Nur-Sultan men Almatyda jumyssyz rejım bir aptaǵa uzartyldy, Shymkentte karantın engizildi.
