Mınıstr Ýkraınadaǵy jaǵdaıdyń Qazaqstandaǵy ınflıatsııaǵa qalaı áser etetinin aıtty
«Qazir bizde ınflıatsııa dálizi 5-7 paıyzdyń shamasynda bolsa, taǵy 1-2 paıyzǵa kóteriletin shyǵar. Biz aıtyp otyrǵan negatıvti stsenarıı boıynsha odan da úlken bolýy múmkin. Qazir naqty birdeńe aıtýǵa erte. Óıtkeni jaǵdaı ne kúrt nasharlaýy múmkin, ne kúrt jaqsarýy múmkin. Bul qazir eki el arasynda ótip jatqan kelissózderge baılanysty. Ýkraına-Reseı aınalasyndaǵy jaǵdaı qanshalyq uzaqqa sozylsa, ekonomıkaǵa áseri de sonshalyq kúshti bolady. ıAǵnı, problema neǵurlym tez sheshilse, óńirdegi elder de soǵurlym az zardap shekkeli tur», - degen mınıstr óńirdegi geosaıası ahýal jyljymaıtyn múlik baǵasyna da áser etýi múmkin ekenin málim etti.
«Teńge álsiregen kezde jyljymaıtyn múlik naryǵynda keıbir qurylys materıaldarynyń baǵasyna qysym túsedi. Qýanyshqa oraı, qazir materıaldardyń kóbin ózimizde óndiremiz. Tipti keıbir kórsetkishter boıynsha 80 nemese 100 paıyz almastyrýǵa qol jetkizdik. Keramıka, shyny sııaqty buryn múlde Qazaqstanda óndirilmegen taýarlar boıynsha 1-2 zaýyt salý arqyly-aq ımportty 100 paıyz almastyrýǵa qol jetkizip jatyrmyz», - dedi Álibek Qýantyrov.