Mınıstr: Úkimettiń jańa ókilettikteri – qajetti shara

NUR-SULTAN. QazAqparat – Tótenshe jaǵdaıdaǵy Úkimettiń jańa ókilettikteri – qısynsyz áreket emes, qajetti shara. Bul pikirdi Aqparat jáne qoǵamdyq damý mınıstri Dáýren Abaev bildirdi, dep habarlaıdy QazAqparat.

16 naýryzda Memleket basshysy memorgandardyń jedel sheshim qabyldaýyna múmkindik beretin Jarlyqqa qol qoıdy.

«Qazir qastandyq teorııasy úshin yńǵaıly ýaqyt emes. Úkimettiń jańa ókilettikteri – qısynsyz ázil nemese artyqshylyqqa ıe bolý emes, naǵyz qajetti shara. Tótenshe jaǵdaı engizilmeı turyp ta, memlekettik organdardyń bıýdjetin jáne olardyń baǵdarlamalaryn qarjylandyrý birneshe aıǵa sozylýy múmkin bolǵanyn bilesizder. Biraq qazir bizde ýaqyt joq, másele kúnder men aılar týraly emes, saǵat jóninde bolyp otyr. Sondyqtan bıýdjetti neǵurlym jeńildetilgen túrde qalyptastyrý týraly sheshim qabyldandy», - dedi mınıstr «Habar» telearnasyndaǵy «Ashyq dıalog» baǵdarlamasynda.

Mınıstr Úkimetke azyq-túlik pen basqa da birqatar taýarlarǵa baǵa belgileý ókilettikteri berilgenin atap ótti.

«Munyń bári naryqtyq ekonomıka erejelerine sáıkes kelmeıtinin jaqsy túsinemiz. Biraq ókinishke qaraı, qıyn kezderde keıbir kásipkerlerdiń halyq suranysy joǵary azyq-túlik pen taýarlardyń baǵasyn kóterýge tyrysyp jatqanyn kóremiz. Tipti, bul taýarlardyń tapshylyǵy da joq», - dedi D. Abaev.