Mınıstr ýaqyt beldeýiniń aýysýy týraly: Balalarym tańerteń esh qıyndyqsyz oıanady

ASTANA. KAZINFORM – Saýda jáne ıntegratsııa mınıstri Arman Shaqqalıev ýaqyt beldeýiniń ózgerýi qazaqstandyqtardyń elektr energııasyna jumsaıtyn shyǵyndaryn kóbeıtpegenin málimdedi.

«Ýaqyt beldeýiniń ózgerýine baılanysty negizgi oıdy jetkizgim keledi – elektr energııasyn tutyný aıtarlyqtaı ósken joq. Qazir kóptegen mıfter men ańyzdar shyǵarylyp júr. Biz satyp alý kólemderin salystyrdyq, bul aqparat qolymyzda bar. Tipti vıtse-mınıstr Esimhanov (Energetıka vıtse-mınıstri – red.) myrza suhbatynda kórshi elderden elektr energııasyn satyp alý kólemi azaıǵanyn aıtty», - dedi A. Shaqqalıev Úkimette ótken brıfıngte.

Mınıstr ata-analardyń mektepten balalaryn qarańǵy ýaqytta alyp ketýge qatysty shaǵymdaryna da jaýap berdi.

«Ýaqytym bolǵanda, balalarymdy mektepten ózim alyp ketemin. Tórt balanyń ákesi retinde, ekinshi aýysym 19:05-te aıaqtalatynyn aıtqym keledi. Ótken jyly da biz qarańǵyda qaıtatynbyz. Balalarym tańerteń esh qıyndyqsyz oıanady. Muny kóptegen ata-analar da aıtyp jatyr. Biz olarǵa tańerteńgi ýaqytty berdik, uıqysyn qandyryp, mektepke barýǵa múmkindik berdik. Osyny aıtý kerek. Basqa sezimder men ózgerister týraly aıtý kerek», - dep túıindedi mınıstr.

Buǵan deıin Arman Shaqqalıev ýaqyt beldeýin aýystyrý sheshimi qalaı qabyldanǵanyn aıtqan edi.