Mınıstr týrıstik aýmaqtardaǵy ınfraqurylym jobalaryn asa mańyzdy nysandar qataryna qosýdy usyndy

ASTANA. KAZINFORM – Týrızm jáne sport mınıstri Erbol Myrzabosynov Úkimet otyrysynda basym týrıstik aýmaqtardaǵy ınfraqurylym jobalaryn asa mańyzdy nysandar qataryna qosýdy usyndy.

- Kaspııdiń jáne Jetisý oblysyndaǵy Alakól jaǵajaı aımaqtarynda sýdyń túbin tereńdetý jumystaryn júrgizý qajet. Keıbir kýrorttar týrıster aǵynynyń kóbeıýine daıyn bolmaı jatyr.

Býrabaı kýrorttyq aımaǵynda maýsymnyń qyzǵan shaǵynda keptelis bolýda. Al Balqash kóli baǵytynda jol boıyndaǵy qyzmet kórsetý obektileriniń jetispeıtini, janarmaıdyń tapshylyǵy, ıaǵnı janarmaı quıý stantsııalarynda saǵattap turatyn kezekter baıqalady. Barlyq derlik kýrorttyq aımaqta qatty turmystyq qaldyqtar polıgony joq deýge bolady, - dedi ol.

Vedomstvo basshysy bul problemalardy sheshý úshin Ulttyq ekonomıka mınıstrligindegi basshylardyń ustanymyn ózgertý kerek dep otyr.

- Atalǵan máselelerdiń bárin sheshý úshin basym týrıstik aýmaqtardaǵy ınfraqurylymdyq jobalardy jalpy el úshin mańyzy bar jáne asa mańyzdy obektilermen teńestirý usynylady. Basym týrıstik aýmaqtar boıynsha tıisti túzetýler qazir Senatta qaralyp jatyr.

Ulttyq ekonomıka mınıstrligine óz qaǵıdalaryna ózgeris engizýdi tapsyrýdy suraımyz, - dedi mınıstr.

Aıta keteıik, búgingi Úkimet otyrysynda týrızmdi damytý máselelerin qaralyp jatyr.