Mınıstr tozyǵy jetken jylý elektr ortalyqtaryn jóndeý jospary týraly túsinik berdi
ASTANA. KAZINFORM – QR Energetıka mınıstri Almasadam Sátqalıev tozyǵy jetken jylý elektr ortalyqtaryn jóndeý jospary týraly túsinik berdi.
«Bıyl 10 energoblokty, 55 qazandyqty, 45 týrbınany jóndeý josparlansa, keıbir stantsııalardy jóndeý jumystary bastalyp ta ketti. Qyzyl aımaqta ornalasqan 19 jylý elektr ortalyǵyn jańartýǵa erekshe nazar aýdarylady. Bul turǵyda 28 qazandyq pen 16 týrbınany kúrdeli jóndeýden ótkizýdi josparlanǵan», - dedi dedi A.Sátqalıev Senatta «Ornyqty damý maqsattaryn iske asyrý sheńberinde Qazaqstanda balamaly energııa kózderi men jasyl tehnologııalaryn damytý» taqyrybyndaǵy mindetterdiń iske asyrylýyna monıtorıng júrgizý jónindegi parlamenttik komıssııa otyrysynda.
Mınıstr energııa kózderin qaıta qurý jáne jóndeý jumystaryn qarjylaı qoldaý úshin elektr energııasynyń tarıfi 20 paıyzǵa túzetilgenin atap ótti.
«Bul rette, qaıtarylatyn ınvestıtsııanyń jyldyq lımıti 428 mlrd teńgege deıin ulǵaıtyldy. Osy qarajat energetıkalyq aktıvterimizdi jańartýǵa, jańǵyrtýǵa jáne qalpyna keltirýge jumsalady. Bul sharalar qazirdiń ózinde energetıka salasyna 327 mlrd teńge tartýǵa múmkindik berdi», - dedi vedomstvo basshysy.
