Mınıstr taksıge 50 shaqyrymnan uzaq jolda adam tasýǵa shekteý qoıý usynysyna túsinik berdi

ASTANA. KAZINFORM – Kólik mınıstri Marat Qarabaev InDriver jáne ıAndeks qoldanýshylaryna 50 shaqyrymnan uzaq qalaaralyq jolda adam tasýǵa shekteý qoıý týraly usynysqa túsinik berdi.

Búgin Úkimet otyrysynan keıingi baspasóz máslıhatynda tilshiler mınıstrden atalǵan máselege baılanysty qoǵamdyq tyńdaý qashan bolatynyn jáne mınıstrlikke qandaı usynystar túskenin surady.

«50 shaqyrym nemese 100, 150 shaqyrymnan astam jolǵa tyıym salý týraly mınıstrlik usynys jasaǵan emes jáne bizdiń vedomstvo osyndaı túzetýdi engizbedi. Atap aıtqanda, atalǵan shekteýge qatysty naqty ózgeris pen ol boıynsha qoǵamdyq tyńdaýlar ótkizý qarastyrylmaǵan. Bul rette, osyǵan deıin jumys toby músheleriniń biri agregatorlardyń qyzmetin jetildirýge baǵyttalǵan usynys jasaǵan edi», - dedi M. Qarabaev.

Sóz sońynda mınıstr qazir atalǵan taqyryp boıynsha talqylaý qarastyrylmaǵanyn aıtty.

Eske salsaq, shilde aıynda InDriver qoldanýshylarǵa 50 shaqyrymnan uzaq jolda adam tasýǵa shekteý qoıý usynysy málim boldy.