Mınıstr sýǵa ketken adamdardyń denesi nege tym kesh tabylatynyn aıtty

NUR-SULTAN. QazAqparat – QR Prezıdent teleradıokesheniniń «Úsh suraq» baǵdarlamasynda Tótenshe jaǵdaılar mınıstri ıÝrıı Ilın sýǵa ketken adamdardyń denesin tabý nege uzaqqa sozylatynyn túsindirdi, dep habarlaıdy QazAqparat tilshisi.

«Birinshiden, sý qoımasynda belgili bir qyzmet kórsetýshi demalýshy tulǵalardyń qaýipsizdigin tolyqtaı qamtamasyz etýi kerek. ıAǵnı, qutqarý keýdeshesi bolý kerek. Ondaı keýdeshelerdiń tıegi sýǵa qulaǵan jaǵdaıda aǵytylmaýy kerek. Ne bolǵanyn, qyz nege keýdeshesiz tabylǵanyn qazir tergeý anyqtap jatyr. Oǵan qyzmet kórsetken jumysshynyń aıtýynsha, qyzdyń ústinde qutqarý keýdeshesi bolǵan», - dedi mınıstr.

Vedomstvo basshysy qutqarýshylardy jabdyqtaý máselesi de ózekti ekenin eske saldy.

«Іzdeý jumystarynyń uzaqqa sozylýynyń ekinshi sebebine kelsek, bizge de qateliktermen jumys isteý kerek. Tıisti sharalar qabyldap jatyrmyz. Atalǵan aýmaqtaǵy bólimsheniń qolynda «eholot» qurylǵysy bolmaǵan. Ol izdeý jumystaryn sýdyń túbinde júrgizýge qajet bolatyn. Bizge áýesqoı balyqshylar kómektesti qaıta. Olardyń qolynda kásibı «eholot» qurylǵylary boldy. Biz qutqarýshylardy jabdyqtaý normalaryn da qaıta qaraımyz. Bıýdjetimizdiń múmkindigi zanamaýı naryqta bar quraldyń bárin satyp alýǵa únemi jete bermeıdi. Bir jyrtyqty jamap jatsań, ekinshisi paıda bolady degendeı. Biz bul turǵyda synı eskertpelerdi de qabyldaımyz», - degen ıÝrıı Ilın qaıtys bolǵan qyzdyń týystarynan hat alǵanyn aıtty.

«Biraq qutqarýshylar 10 myń metrden tereńde jumys istedi. ıAǵnı, kórý múmkin bolmaı ketken. Sáıkesinshe, súńgýirdiń ózine de qater tónýi múmkin edi. Jigitter kásibı deńgeıde jumys istep shyqty dep oılaımyn. Jýyqta ǵana áriptesterińizdiń otbasynan hat ta keldi. Olar da men aıtqan kemshilikterdi ataı kelip, qutqarýshylarǵa aýyr jaǵdaıda, ómirlerin qaýipke tige otyryp, deneni alyp shyqqany úshin alǵys bildirgen. Sý qoımasy tereń ári aýqymdy bolǵan. Ókinishke qaraı, adam denesi birneshe kúnnen keıin sý betine ózi shyǵyp qalady degen tájirıbe únemi olaı bola bermeıdi. Іzdeý jumystarynyń uzaqqa sozylyp jatýyna jumystardyń kúrdeli ótýi sebepker» -dedi mınıstr suhbat barysynda.

Eske salsaq, Astana sý qoımasynda sýǵa ketken boıjetkenniń denesi bes kúnnen soń tabylǵan bolatyn.

Vıdeodan alyn ǵ an kadr