Mınıstr «Skat» ushaǵynyń apatty jaǵdaıda qonýyna qatysty pikir bildirdi
NUR-SULTAN. QazAqparat - QR Indýstrııa jáne ınfraqurylymdyq damý mınıstri Roman Sklıar jaqynda «Skat» áýe kompanııasy ushaǵynyń apatty jaǵdaıda qoný oqıǵasyna pikir bildirdi, dep habarlaıdy QazAqparat tilshisi.
«Skat» ushaǵynyń apatty jaǵdaıda qonýyna áýe kemesiniń joǵary eshelonyndaǵy salonda sańylaýdyń paıda bolýy sebep. Árıne, bul oqıǵa barshamyzdy alańdatady. Ekıpaj kásibı túrde áreket etip, ushaqty qalypty rejimde qondyrdy. Qazirgi kezde tekserý sharalary júrip jatyr. Qorytyndy shyǵarylǵannan keıin, onyń sebebin jarııalaımyz», - dedi mınıstr.
Sonymen qatar R. Sklıar ekinshi ushqysh aýrýhanaǵa túskenin rastady.
«Ekinshi ushqyshtyń densaýlyq jaǵdaıyna baılanysty, ıaǵnı esinen tanyp qalǵannan keıin tıisti sharalar qabyldandy. Qazirgi ýaqytty onyń jaǵdaı jaqsy», - dedi mınıstr.
Budan buryn habarlanǵandaı, SCAT áýe kompanııasynyń ushaǵy Nursultan Nazarbaev halyqaralyq áýejaıyna apatty jaǵdaıda qondy.
