Mınıstr shegirtkemen kúres jumystary qalaı júrgizilip jatqanyn aıtty
ASTANA. KAZINFORM — Aýyl sharýashylyǵy mınıstri Aıdarbek Saparov shegirtke zııankesterimen kúres belsendi túrde júrgizilip jatqanyn jetkizdi.
Mınıstrliktiń baspasóz qyzmeti málim etkendeı, qazir Aıdarbek Saparov Qostanaı oblysy Torǵaı aýmaǵynda júr.
«Qazaqstan Úkimetiniń qoldaýymen shegirtke zııankesterimen kúres belsendi jalǵasyp jatyr. Bul másele Premer-Mınıstrdiń erekshe baqylaýynda. Bizdiń aldymyzda shegirtke zııankesterimen kúresti tıimdi uıymdastyrý mindeti tur. Qajetti kólemde dári-dármek satyp alý jáne jumysty bastaý boıynsha der kezinde qabyldanǵan sharalardyń nátıjesinde josparlanǵan 2,5 mıllıon gektar zalalsyzdandyrý alańynyń 1,1 mıllıon gektardan astamy óńdeldi. Tehnıka jetkilikti, óńirler dári-dármekpen qamtamasyz etilgen. Barlyq óńdeý jumystary josparǵa saı júrgizilip jatyr», - dedi Aýyl sharýashylyǵy mınıstri.
Buǵan deıin Abaı oblysynda da shegirtke 60 myń gektar alqapqa jaıylyp bara jatqanyn jazǵan edik.
