Mınıstr selektorlyq keńeste naqty tapsyrmalar berdi
ASTANA. 5 qarasha. QazAqparat - QR Kólik jáne kommýnıkatsııa mınıstri Berik Kamalıev selektorlyq keńes ótkizdi,
dep habarlaıdy vedomstvonyń baspasóz qyzmeti.
Onda «Batys Eýropa-Batys Qytaı» jobasynyń júzege asyrylý barysy, 2011 jyly avtojol salalarynyń basqa da nysandaryn paıdalanýǵa berý, respýblıkalyq mańyzy bar joldardyń qysqa daıyndyǵy, tehnıkalyq baqylaýdan ótkizetin ortalyqtardyń daıyndyǵy týraly máseleler talqylandy.
Selektorlyq keńes jumysyna avtokólik joldary komıteti men olardyń oblystyq departament basshylary, «Qazaqavtojol» RMK, Kóliktik baqylaý komıteti jáne onyń aımaqaralyq ınspektsııalarynyń jetekshileri qatysty.
Avtokólik joldary komıtetiniń tóraǵasy Z.Saǵynov habarlaǵandaı, aǵymdaǵy jyly respýblıkalyq mańyzy bar joldardy damytý bıýdjeti 190 mld. teńgeni quraǵan, onyń ishinde joldardy salý men qaıta qurastyrýdan ótkizý úshin 158 mlrd. teńge jumsalsa, olardy kúrdeli, ortasha, aǵymdaǵy jóndeýden ótkizý úshin 32 mlrd. teńge ketken.
Mınıstr Berik Kamalıev selektorlyq keńeste «Batys Eýropa-Batys Qytaı» jobasynyń júzege asyrylý barysy, 2011 jyly avtojol salalarynyń basqa da nysandaryn paıdalanýǵa berý, respýblıkalyq mańyzy bar joldardyń qysqa daıyndyǵy, tehnıkalyq baqylaýdan ótkizetin ortalyqtardyń daıyndyǵyna qatysty naqty tapsyrmalar berdi.
