Mınıstr «Saran» shahtasyna túsip, kenshilerdiń eńbek jaǵdaıymen tanysty
ACTANA. KAZINFORM - TJ mınıstri Qaraǵandy oblysyndaǵy «Qarmet» AQ-na qarasty «Saran» shahtasyna tústi.
Mınıstrlik málimetinshe, Qaraǵandy oblysyna jumys sapary aıasynda Tótenshe jaǵdaılar mınıstri, general-maıor Shyńǵys Árinov «Qarmet» AQ-nyń kómir jáne bolat departamentterine qarasty nysandardy aralady.
Sapar barysynda vedomstvo basshysy kompanııa shahtalarynda engizilgen pozıtsııalaý júıesimen tanysty. Bul zamanaýı tehnologııalyq sheshimder kenshilerdiń naqty ýaqyt rejıminde ornalasqan jerin baqylaýǵa múmkindik beredi. Bul olardyń qaýipsizdigin qamtamasyz etý jáne tótenshe jaǵdaı týyndaǵan jaǵdaıda jedel áreket etý úshin asa mańyzdy.
Shyńǵys Árinov «Saran» shahtasyna túsip, 540 metrlik gorızontta ornalasqan kómir qazý kombaınynyń jumysyn kórip, kenshilerdiń eńbek jaǵdaıymen tanysty.
Mınıstr erekshe nazardy Kómir departamentiniń dıspetcherlik-analıtıkalyq ortalyǵynyń jumysyna aýdardy. Bul jerde shahtalardyń jaǵdaıy táýlik boıy baqylanyp, ónerkásiptik qaýipsizdik erejeleriniń saqtalýy tekseriledi jáne tótenshe jaǵdaılar kezinde jedel basqarý júzege asyrylady.
Jumys saparynyń jalǵasynda Shyńǵys Árinov «Qarmet» AQ Bolat departamentine qarasty ystyq myryshtaý jáne alıýmınııleý tsehynyń jumysymen tanysty. Sonymen qatar mınıstr óndiristik protsester men ónerkásiptik qaýipsizdikti qamtamasyz etý sharalaryn qarap shyqty.
Buǵan deıin Qazaqstan mamandary shahtadaǵy apatty jyldam anyqtaıtyn júıe jasap shyǵarǵanyn jazǵan bolatynbyz.