Mınıstr Saǵadıev túlekterdi lımýzınmen qydyrtýǵa kózqarasyn bildirdi
ASTANA. QazAqparat - QR Bilim jáne ǵylym mınıstri Erlan Saǵadıev mektepti bitirý keshteri kezinde lımýzınderdi jaldaýǵa qarsy, dep xabarlaıdy QazAqparat tilshisi.
"Men ózim mektep túlekteriniń lımýzınmen júrgenderine qarsymyn. Jalpy, kóp aqsha jınamaý qajet. Onyń bárin shoýǵa aınaldyrmaý kerek. Men ondaıǵa qarsymyn. Moraldyq turǵyda ol durys emes. Biraq ekinshi jaǵynan balalarǵa mektep bitirgenderin toılap, tańdy birge attyrýǵa tyıym salýǵa bolmaıdy. Negizi, bul máseleni uzaq talqylaýǵa bolady. Mysaly, mektep bitirý keshine múldem kelmeýge de bolatyn shyǵar. Ol - árbir adamnyń jeke qalaýy. Biraq 11 jylda bir ret bolatyn keshke ruqsat bermeý durys emes sııaqty", - dedi E.Saǵadıev Úkimet otyrysynan keıin.
Aıta keteıik, búgingi otyrysta birneshe másele qaraldy. Sonyń biri - tutynýshylar quqyqtaryn qorǵaý. Osy oraıda QR Premer-Mınıstri Baqytjan Saǵyntaev sapasyz taýar satatyndarǵa "Senbeımiz!" degen aıdar taǵýdy usyndy.
