Mınıstr Saǵadıev keıbir mamandyqtardyń jabylýy týraly qańqý sózderge senbeýge shaqyrdy
ASTANA. QazAqparat - QR Bilim jáne ǵylym mınıstri Erlan Saǵadıev áleýmettik jelilerde tarap ketken JOO-lardaǵy birqatar mamandyqtardyń jabylǵany týraly aqparatqa baılanysty vıdeoúndeý jarııalady, dep xabarlaıdy QazAqparat tilshisi QR BǴM-nyń Feısbýktegi resmı paraqshasyna silteme jasap.
Onda Erlan Saǵadıev, sońǵy kezde Internet jelisinde QR BǴM-niń mamandyqtar klassıfıkatoryndaǵy "Qazaq tili", "Qazaq ədebıeti", "Qazaq tarıhy", "Lıngvıstıka", "Shyǵystaný" syndy mamandyqtardy joǵary oqý oryndarynan alyp tastaǵany týraly, joǵary oqý oryndarynda osy pənderdiń júrgizilýi toqtatylǵandyǵy jaıly aqparat kezdesip otyrǵandyǵyn atap ótken.
«Bular shyndyqqa janaspaıdy,-deıdi mınıstr. Sondaı-aq ol mundaı habarlardyń qazaqstandyqtardy qısyq jolǵa baǵyttap, jalǵanǵa sendirýdi kózdegen qıturqy əreketter ekendigin málimdeıdi.
«Qurmetti pedagogtar, ata-analar, oqýshylar, biz sizderdi tek senimdi derek kózderinen taratylatyn aqparatqa júginýge shaqyramyz. Mundaı məlimetterdi QR BǴM-niń jelidegi resmı akkaýntyna jazylyp alýǵa bolatyndyǵyn jetkizgimiz keledi", - deıdi Saǵadıev.
