Mınıstr S.Qaıyrbekovanyń óńirlerge sapary barysynda Biryńǵaı ulttyq densaýlyq saqtaý júıesin iske asyrý máseleleri talqylandy
ASTANA. 28 qarasha. QazAqparat - QR Densaýlyq saqtaý mınıstri Salıdat Qaıyrbekova jumys saparymen Mańǵystaý, Almaty oblystarynda jáne Almaty qalasyna baryp qaıtty.
Sapar barysynda Mınıstr densaýlyq saqtaý obektilerinde bolyp, óńirlerdiń medıtsınalyq qoǵamdastyǵymen Biryńǵaı ulttyq densaýlyq saqtaý júıesin iske asyrý máseleleri boıynsha kezdesti.
QR Densaýlyq saqtaý mınıstrliginiń baspasóz qyzmeti habarlaǵandaı, 23 qarashada Aqtaý qalasynda Mańǵystaý oblysynyń ákimi Qyrymbek Kósherbaevtyń jáne Densaýlyq saqtaý mınıstri Salıdat Qaıyrbekovanyń qatysýymen jańa oblystyq qan ortalyǵy ashyldy. Alǵash ret Mańǵystaý oblysynda polımerazdyq tizbek reaktsııasynyń qazirgi zamanǵy zerthanasy klınıkalyq tájirıbege engizilip otyr, bul biregeı jabdyqtyń ereksheligi - analızdi júrgizýde onyń sezimtaldyǵynyń joǵary bolýy. Sol kúni Aqtaý q oblystyq aýrýhana bazasynda magnıttik-rezonanstyq tomografııa bólimshesi ashyldy. Іske qosylǵan magnıttik-rezonanstyq tomograftyń quny 504 mln teńgeni quraıdy jáne Batys Qazaqstan aýmaǵynda birinshi bolyp engizildi. Sodan keıin Mańǵystaý oblysy ákiminiń qatysýymen óńirdegi medıtsına qyzmetkerleriniń májilisi ótti.
Sondaı-aq 25 qarashada Almaty qalasynyń Densaýlyq saqtaý mınıstri densaýlyq saqtaý obektilerin - №7 qalalyq klınıkalyq aýrýhanasyn jáne salynyp jatqan perınataldyq ortalyqta bardy. Budan soń Salıdat Qaıyrbekova jáne Almaty q ákiminiń orynbasary Serik Seıdýmanov qalalyq densaýlyq saqtaý organdary men uıymdary basshylarymen keńes ótkizdi. Keńestiń kún tártibinde Biryńǵaı ulttyq densaýlyq saqtaý júıesin engizý barysy jáne aldaǵy jyly qalalyq densaýlyq saqtaý uıymdary atqaratyn mindetter týraly máseleler qaraldy. Kelesi kúni Mınıstr Salaýatty ómir saltyn qalyptastyrý mamandarynyń forýmyn saltanatty túrde ashty.
Al 26 qarashada Mınıstr Almaty oblysynda boldy. Munda
Biryńǵaı ulttyq densaýlyq saqtaý júıesin iske asyrý máseleleri jóninde óńirdegi medıtsına qyzmetkerleriniń keńesi ótti, jıynǵa Densaýlyq saqtaý mınıstri Salıdat Qaıyrbekova jáne Almaty oblysy ákiminiń orynbasary Serik Muqanov qatysty. Óńirge sapary aıasynda Mınıstr Taldyqorǵan qalasyndaǵy oblystyq aýrýhana men dıagnostıkalyq ortalyqtyń, sondaı-aq Almaty oblysy Eskeldi aýdandyq ortalyq aýrýhanasynyń jumysymen tanysyp- qaıtty.
