Mınıstr Reseıdiń qantty shekteýi týraly: Bizge sońǵy sátte ǵana aıtty

NUR-SULTAN. QazAqparat – QR Premer-Mınıstriniń orynbasary–Saýda jáne ıntegratsııa mınıstri Baqyt Sultanov nege shet memlekettermen qant saýdasy boıynsha aıaq astynan mámilerler jasaýǵa májbúr bolyp júrgenin túsindirdi, dep habarlaıdy QazAqparat tilshisi.

Úkimet otyrysynan keıin BAQ ókilderiniń saýalyna jaýap bergen mınıstr Reseıdiń Eýrazııalyq ekonomıkalyq odaq aıasyndaǵy qant eksportyna shekteý qoıý týraly sheshimin tym kesh estigenin aıtty.

«Qantty zaýyttar óndiredi. Olar qajetti shıkizatty óz betimen satyp alady. Al ol naryq konıýktýrasyna baılanysty. Qazir naryq bylaı qalyptasyp otyr. Biz ımportpen keletin qanttyń shamamen 70 paıyzyn irgedegi Reseıden alyp keldik. Óıtkeni ol Brazılııadan qant tasyǵanǵa qaraǵanda áldeqaıda arzanǵa túsetin. Qant eksporty shekteletini týraly sńoǵy sátte habarlady. Sondyqtan logıstıkanyózgertip jatyrmyz. ıAǵnı, bul jerde eshqandaı qate esep bolǵan joq», - dedi Baqyt Sultanov.

Eske salsaq, buǵan deıin Májilis depýtaty Fahrıddın Qarataev vıtse-premer Roman Sklıarǵa joldaǵan depýattyq saýalynda qant tapshylyǵyn sheshýdiń joldaryn usynǵan edi.