Mınıstr Reseıden ketken sheteldik kompanııalardy Qazaqstanǵa tartý týraly málimet berdi

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda Reseıden ketip jatqan sheteldik kompanııalardy Qazaqstanǵa tartý týraly málimet berdi, dep habarlaıdy QazAqparat tilshisi.

«Búgingi tańda bizde, Reseı Federatsııasymen aradaǵy ónerkásiptik kooperatsııa sheńberinde jalpy quny 22,2 mlrd AQSh dollaryn quraıtyn 24,9 myń jumys ornyn qurýǵa múmkindik beretin 62 joba bar.

444 mln AQSh dollaryna 3,6 myń jumys orny bar 14 joba iske asyryldy. 11,5 mlrd AQSh dollaryna 4,9 myń jumys ornyn quratyn 11 joba iske asyrylyp jatyr. 1,4 mlrd AQSh dollaryna 3,7 myń jumys ornyn quratyn 14 joba pysyqtalýda», - dedi vedomstvo basshysy.

Sondaı-aq, ol Prezıdentiń Reseı naryǵynan ketip jatqan kompanııalarǵa Qazaqstanda qolaıly jaǵdaı jasaý týraly tapsyrmasyna toqtaldy.

«Іshinara relokatsııany eskere otyryp, 8,9 mlrd AQSh dollaryna 12,6 myń jumys ornyn quratyn 23 joba pysyqtalýda. Barlyq jobalar orta jáne joǵarǵy qaıta bólinistegi taýarlardy shyǵarýǵa baǵyttalǵan», - dedi Qaıyrbek Óskenbaev.

Eske salsaq, Prezıdent Qasym-Jomart Toqaev Úkimettiń keńeıtilgen otyrysynda Reseı naryǵynan ketip jatqan sheteldik kompanııalardyń Qazaqstanda jumys isteýine jaǵdaı jasaýdy tapsyrdy.