Mınıstr Pfizer-di aqysyz saldyrý týraly suraqqa jaýap berdi

NUR-SULTAN. QazAqparat – QR Densaýlyq saqtaý mınıstri Alekseı Tsoı Pfizer vaktsınasyn elimizde aqysyz túrde saldyrý týraly suraqqa jaýap berdi, dep habarlaıdy QazAqparat tilshisi.

Mınıstr elimizge jetkizilgen barlyq vaktsına tıimdi ári qaýipsiz bolýyn baqylaıtyn tıisti retteýshi bar ekenin aıtty.

«Bul turǵyda jeke adamnyń óz tańdaý quqyǵy bar. Máselen, tumaý boıynsha vaktsınaǵa toqtalsaq, biz naryqta qoljetimdisin satyp alamyz da, azamattarǵa aqysyz túrde usynamyz. Al keıbiri bólek erekshe brendti suratady», - dedi A. Tsoı Parlament Májilisinde tilshiler saýalyna jaýap bere otyryp.

Sonymen qatar mınıstrge tilshiler «Pfizer vaktsınasy ne úshin kerek ?» degen suraq qoıdy.

«Negizgi ýáj - adamdar shetelge saparlaǵysy keledi. Eger Eýropaǵa barýǵa aqshańyz bolsa, tóleńiz», - dedi Alekseı Tsoı.

Aıta keteıik, Qazaqstanda Pfizer preparaty 12 jasqa tolǵan balalarǵa, júkti áıelderge jáne bala emizetin analarǵa aqysyz egiledi.

Budan buryn habarlanǵandaı, mınıstr Pfizer vaktsınasynyń baǵasy jetkizý qunyna baılanysty bolatynyn aıtty.