Mınıstr Petropavl mektebindegi qarýly shabýyl týraly: Aıyptynyń kámeletke tolmaǵandyǵy eskeriledi
«Qazir sotqa deıingi tergeý júrip jatyr. Búgin oblys ákimi habarlaǵandaı, jábirlenýshilerdiń jaǵdaıy jaqsy. Aıyptynyń kámeletke tolmaǵandyǵyn eskere otyryp, ony qorǵaýdy qamtamasyz etýge baǵyttalǵan barlyq shara qabyldandy. Sonymen qatar atalǵan quqyqbuzýshylyqtyń mán-jaıy anyqtalý ústinde. Zardap shekkenderdiń arasynda aýrýhanaǵa jatqyzylmaǵandar da bar. Endi birqatary búginde aýrýhanadan shyqty. Kúdikti tergeý ızolıatorynda qamaýda», - dedi Marat Ahmetjanov Úkimet otyrysynan keıin BAQ ókilderiniń saýalyna jaýap bere turyp.
Eske salaıyq, 13 aqpan kúni Petropavlda 9 synyp oqýshysy mektepke balta men pyshaq ala kelip, 3 oqýshyny jaraqattady. Keıin zardap shekken eki balaǵa ota jasaldy.
Keıin mekteptegi qarýly shabýyl kezinde zardap shekken oqýshylar aýrýhanadan shyǵarylǵany aıtyldy.
