Mınıstr oqýshylarǵa bergen tapsyrmany oryndaýǵa ýaqyt berý qajettigin aıtty
NUR-SULTAN. QazAqparat – Elimizde 500 myńǵa jýyq muǵalim bolǵannan keıin ártúrli másele bolyp turady. Bul týraly Bilim jáne ǵylym mtnıstri Ashat Aımaǵambetov aıtty, dep habarlaıdy QazAqparat tilshisi.
«Elimizde 500 myńǵa jýyq muǵalim bolǵannna keıin ártúrli másele bolyp turady. Mysaly, bizdiń keıbir áriptesterimiz búgin bergen tapsyrmalardy bir saǵat ishinde oryndap, keri baılanys jasaý kerektigi týraly tapsyrma bergen eken. Osyndaı jaǵdaılardy da estip jatyrmyz. Bul nárseni biz qoldamaımyz, sebebi durys emes. Balalarǵa bergen tapsyrmany oryndaýǵa ýaqyt berýimiz kerek. Ol tapsyrmany jaqsylap túsinip, jaqsylap oqyp baryp keri baılanys ornatý qajet. Asyǵatyn eshteńe joq. Bul máselege áriptesterimizdiń nazaryn taǵy bir aýdarǵym keledi», - deıdi mınıstr.
Ol eshqandaı esep qajet emes ekenin aıtty.
«Biz tıisti buıryqty qabyldadyq. Buıryq boıynsha bilim bólimderinen de, bilim basqarmalarynan da, mektepterden de, muǵalimderden de eshqandaı esep talap etilmeýi kerek. Barlyq aqparatty ózimiz ınternet júıesinen ózimiz alyp otyramyz. Muǵalimderden, ata-analardan esep talap etýdi toqtatý boıynsha is-shara qoldandyq. Ár muǵalim, mektep basshysy qalaı jumys isteý kerek ekenin jaqsy biledi, sondyqtan esep talap etilmeıdi, eshqandaı tekseris júrgizilmeıdi», - deıdi Ashat Aımaǵambetov.
