Almatylyq jas ónertapqysh mınıstrlikpen birlesip «aýadan sý alý» jobasyn iske qosatyn boldy
ASTANA. KAZINFORM — Sý resýrstary jáne ırrıgatsııa mınıstri Nurjan Nurjigitov Almaty qalasyndaǵy № 79 gımnazııanyń oqýshysy Dana Qadyrbekpen kezdesti. Ol zamanaýı nanomaterıaldardy qoldana otyryp, atmosferadan sý jınaıtyn qurylǵy oılap tapqan. Mektep oqýshysy vedomstvomen memorandýmǵa qol qoıdy.
Bul qondyrǵy elektr jelisine qosylmaı-aq aýadaǵy ylǵaldy tıimdi sińirip, kondensatsııalaýǵa múmkindik beredi. Kezdesý qorytyndysy boıynsha Sý resýrstary jáne ırrıgatsııa mınıstrligi men Dana Qadyrbek qurylǵynyń jumysyn birlesip taldaýdy, jobany pılottyq rejımde iske asyrýdy, aqparat pen derekter almasýdy, sondaı-aq tehnologııany keńinen qoldaný múmkindigin zertteýdi kózdeıtin memorandýmǵa qol qoıdy.
Nurjan Nurjigitov Sý resýrstary jáne ırrıgatsııa mınıstrliginiń Ǵylym jáne ınnovatsııalyq tehnologııalar departamentine bul ázirlemeni pılottyq rejımde engizý boıynsha barynsha qoldaý kórsetýdi tapsyrdy. Sondaı-aq vedomstvo basshysy joba avtoryna alǵys hat pen baǵaly syılyq tabys etti.
— Daryndy jastardyń sý únemdeý máselelerine beıjaı qaramaı, biregeı ǵylymı jobalar ázirlep, júzege asyryp júrgeni qýantady. Biz bul jobany burynnan baqylap kelemiz. Ol sý resýrstaryn únemdeýde erekshe sheshim usynady, bul ásirese shalǵaı aımaqtar úshin mańyzdy. Qurylǵynyń ylǵal az kezde de atmosferadan sý jınaı alýy onyń praktıkalyq qoldanylýyn keńeıtedi. Qazirgi zamanaýı nanomaterıaldar men kún energııasyn qoldaný bul jobany «jasyl» ınnovatsııalardyń mańyzdy jobasyna aınaldyrady, — dedi Sý resýrstary jáne ırrıgatsııa mınıstri Nurjan Nurjigitov.
Aıta ketý kerek, ǵylymı joba halyqaralyq jáne respýblıkalyq deńgeıdegi birneshe konkýrsta joǵary baǵa alǵan. Atap aıtqanda, Ońtústik Koreıada ótken WICO halyqaralyq kórmesinde 36 el men 2000-nan astam qatysýshy arasynan I oryndy, Indonezııadaǵy Jastardyń halyqaralyq ǵylymı jármeńkesinde (YISF) 24 el arasynan I oryndy ıelendi. Sondaı-aq QazUÝ halyqaralyq konferentsııasynda jáne Kazakhstan Smart Space ǵaryshtyq tehnologııalar baıqaýynda marapattarǵa ıe boldy. Dana Qadyrbektiń jobasy Birikken Ulttar Uıymynyń Ónerkásipti damytý uıymymen (UNIDO) birlesip júzege asyrylatyn «jasyl» startaptardy qoldaý jónindegi Global Cleantech Innovation Programme (GCIP) halyqaralyq baǵdarlamasynyń on jartylaı fınalısiniń qataryna endi. Joba Qazaqstan boıynsha 500-den astam ótinishtiń ishinen iriktelip alynǵan.
— Búgingi kezdesý óte jaqsy áser qaldyrdy. Sý resýrstary jáne ırrıgatsııa mınıstrliginiń jas ǵalymdarǵa belsendi qoldaý kórsetip jatqany erekshe qýantady. Mundaı qoldaý meniń ǵylymı jumysymdy ári qaraı jalǵastyrýyma úlken motıvatsııa beredi. Mınıstrdiń búgin bergen tapsyrmasynyń arqasynda biz qurylǵyny dalalyq jaǵdaıda synap kórýge jáne jobany pılottyq rejımde iske asyrýǵa múmkindik alamyz, — dedi Dana Qadyrbek.
Aıta keteıik, aldaǵy úsh jylda sý únemdeý tehnologııasyn engizýdi sýbsıdııalaýǵa 214 mlrd teńge bólinedi.