Mınıstr Muhamedıuly fonogrammaǵa qalaı tyıym salatynyn aıtty

ASTANA. QazAqparat - Fonogrammamen án aıtýǵa tyıym salý úshin kontsertterge lıtsenzııa júıesin engizý kerek. 

Bul týraly búgin Senatta «Qazaqstan Respýblıkasynyń keıbir zańnamalyq aktilerine mádenıet máseleleri boıynsha ózgerister men tolyqtyrýlar engizý týraly» zań jobasyn talqylaý kezinde Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.

«Barsha álemde «nege fonogrammamen án aıtady» degen másele talqylanýda. Dúnıejúzinde naqty qalyptasqan júıe bar, ásirese Eýropa elderinde, AQSh-ta, qazirgi ýaqytta Ózbekstan men Túrkimenstanda da bul júıe eskerilgen. ıAǵnı árbir kontsert uıymdastyrýshyǵa mınıstrlik lıtsenzııa berýi kerek. Ókinishke qaraı, bizdiń zańnamada bul qadamdar joq. 2006 jyly jalpylama zańdy qabyldadyq, biraq naqty ár baǵytta keıbir kemshilikter bar. Qazirgi ýaqytta kontsert uıymdastyrýshylar lıtsenzııaǵa kóshpeıinshe, bul másele sheshilmeıtini anyq»,-dep toqtaldy mınıstr.

Osy oraıda ol kez kelgen adam kontsertti uıymdastyryp, sahnaǵa shyǵa alatynyn atap ótti.

«Al eger lıtsenzııa bersek, «aınalaıyndar, sizder fonogrammamen zańdy buzdyńyzdar, sondyqtan lıtsenzııańyz joıylady» dep naqty aıta alar edik»,-dedi Muhamedıuly.

Onyń aıtýynsha, bul baǵyttaǵy qadamdardy rettegennen keıin, kontsertterde fonogrammamen án aıtqyzbaý máselesin tolyq sheshýge bolady.