Mınıstr Muhamedıuly Dımashty qytaılyq «Gremmımen» quttyqtady

ASTANA. QazAqparat  - QR Mádenıet jáne sport mınıstri Arystanbek Muhamedıuly Top Chinese Music Awards syılyǵyn jeńip alǵan Dımash Qudaıbergendi quttyqtady, dep habarlaıdy «QazAqparat» HAA vedomstvonyń baspasóz qyzmetine silteme jasap.

«Qurmetti Dımash! Qurlyqtyń beldi syılyqtarynyń biri Top Chinese Music Awards  júldesiniń «Azııanyń eń tanymal ánshisi» atalymynda jeńiske jetýińizben shyn júrekten quttyqtaımyn. Bul marapat sizdiń biregeı oryndaýshylyq talantyńyzdyń laıyqty joǵary baǵasy bolyp tabylady. Sizdiń qaıtalanbas talabyńyz qazaq ónerin búkil álemge tanytty, barsha qazaq halqynyń maqtanyshyna aınaldy. Sizge tán eńbeksúıgishtik, maqsatkerlik jáne shynaıy patrıottyqtyń arqasynda mýzykalyq álemniń talaı bıik shyńdaryn baǵyndyraryńyzǵa senimdimin», - delingen mınıstr quttyqtaýynda.

Eske sala ketsek, keshe, 27 naýryz kúni Dımash Qytaıdyń Shanhaı qalasynda China Top music Awards syılyǵynyń«Azııanyń eń tanymal ánshisi» nomınatsııasymen marapattaldy .