Mınıstr Meta-dan qazaq mýzykasynyń joıylýy týraly: Ujymdyq basqarý salasynda kemshilik bar
ASTANA. KAZINFORM – Ádilet mınıstri Erlan Sársembaev Úkimet otyrysynda Meta platformalarynan qazaq mýzykasynyń joıylýy týraly pikir bildirdi.
— 2024 jyly kúz aıynda qazaqstandyq mýzykany Meta platformalarynan alyp tastaý oqıǵasy ujymdyq basqarý salasyndaǵy kemshilikterdi aıqyn kórsetti. Kóptegen tanymal avtor men oryndaýshy ózderiniń osy platformadaǵy shyǵarmalary úshin syıaqy almaǵandary týraly shaǵymdandy.
Osyǵan oraı, bul salany tsıfrlandyrý qajet. Avtorlar men ózge de quqyq ıelenýshilerge barlyq kezeńdi onlaın formatta qadaǵalaý múmkindigin berý josparlanyp otyr. ıAǵnı kelisim-shart jasaý, syıaqy jınaý, bólý jáne tóleý kezeńderin onlaın baqylaý. Jalpy jasandy ıntellekt elementteri bar tsıfrlyq platformany engizý máselesi pysyqtalýda, - dedi Erlan Sársembaev.
Sondaı-aq mınıstr taldaý jáne eseptilik júıesin engizý arqyly memlekettik tizilimge tirkelgen zııatkerlik menshik obektilerin izdeý júıelerin jetildirý josparda bar ekenin atap ótti.
— Mobıldik qosymshany ázirleý, memlekettik organdar men halyqaralyq uıymdardyń aqparattyq júıelerimen ıntegratsııany keńeıtý qolǵa alynady, - dedi mınıstr.
Aıta keteıik, keıingi úsh jylda notarıýstardyń qyzmeti 28%-ǵa qymbattaǵan.