Mınıstr menıngıtke shaldyqqan jaǵdaıda ózdiginen em qoldanbaýǵa shaqyrdy
«Adamdardyń ólimimen aıaqtalǵan oqıǵalardyń kópshiliginde naýqastar mamandardyń kómegine tym kesh júgingen. Biz menıngıt belgileri paıda bolǵan kezde dereý medıtsınalyq qyzmetkerlerge habarlasý kerektigin qaıtalap kelemiz. Densaýlyq saqtaýǵa, vaktsınalaýǵa túrli kózqarastar bolýy múmkin, alaıda osy jaǵdaıda keri saldarǵa jol bermes úshin bas mamandardyń usynysyn oryndaýdy ótinemin. Infektsııa jyl boıy bolady. Bunyń barlyǵy biz úshin standartty jaǵdaı, sáıkesinshe biz dárigerlerdiń standartty nusqaýlaryn oryndaýdy talap etemiz. Osy oraıda ózin-ózi emdeýmen nemese tekserilmegen em-dom túrlerimen aınalysqan durys emes», - dedi mınıstr Ortalyq kommýnıkatsııalar qyzmetinde.
Budan buryn habarlanǵandaı, jyl basynan beri Qazaqstanda menıngıt ınfektsııasyn juqtyrǵan 58 naýqas tirkeldi. Olardyń 18-i 14 jasqa deıingi balalar. Bıyldan bastap atalǵan dertten 12 adam kóz jumdy.
Sonymen qatar QR Densaýlyq saqtaý mınıstri Eljan Birtanov menıngıtke qarsy vaktsınalaý jumystarynyń nege júrgizilmeıtinin túsindirdi.