Mınıstr mektep ashanalarynda jıi buzylatyn zań buzýshylyqtardy atady
ASTANA. KAZINFORM – Elimizde mektep ashanalaryn tekserý 23 ese azaıdy.
- Densaýlyq saqtaý mınıstrligi júktelgen fýnktsııalar sheńberinde bilim berý uıymdarynda sanıtarııalyq qaǵıdalar men gıgıenalyq normatıvter talaptarynyń saqtalýyn baqylaýdy jáne qadaǵalaýdy júzege asyrady. Bıyl barlyǵy 191 mektep, onyń ishinde 54 as blogy tekserildi. Tekserýler sany 23 ese azaıdy, qoldanystaǵy zańnamaǵa sáıkes, ótken oqý jylynda tekserýler prokýratýra organdarynyń tapsyrmasy boıynsha jospardan tys tártippen júrgizildi). Mektep ashanalarynda jıi anyqtalatyn zań buzýshylyqtar, apattyq jaǵdaıdaǵy ǵımarattar, sanıtarııalyq-epıdemıologııalyq qorytyndylardyń bolmaýy, mektepterdiń shamadan tys júktemesi, sanıtarııalyq-tehnıkalyq jaǵdaılardyń nasharlyǵy taǵy sol sııaqty, - dedi Aqmaral Álnazarova Úkimet otyrysynda.
Mektep ashanalaryn tekserý nátıjesinde Densaýlyq mınıstrligi:
- 150 uıǵarym shyǵardy;
- 12 mln teńgeden astam (12 779 000 teńge) somaǵa aıyppul saldy;
- 31 adam jumystan shettetti;
- 6 is sotqa jiberdi.
- Osyǵan baılanysty, óńirlerdiń ákimderi jańa oqý jylyna qatysty zań buzýshylyqtardy joıýdy qamtamasyz etýin suraımyz,- deıdi vedomstvo basshysy.
Buǵan deıin habarlaǵanymyzdaı, mektepterde 1 myńnan astam stomatologııa kabıneti ashylady.