Mınıstr Mamytbekov otstavka týraly áńgimege qatysty túsinik berýden bas tartty
«Men nege qaıdaǵy bireýdiń áńgimesine qatysty kommentarıı berýge tıispin?» - dedi mınıstr A. Mamytbekov Májilistiń jalpy otyrysy aıasynda jýrnalısterge bergen suhbatynda.
Toqtala ketetin jaıt, mınıstr buǵan deıin óziniń burynǵy orynbasarynyń sybaılas jemqorlyq qylmysy boıynsha ustalýyna baılanysty, ol kináli dep tanylsa otstavkaǵa ketýge ázir ekenin málimdegen. Al eks-vıtse-mınıstri Músilim Ómirııaev 10 jylǵa bas bostandyǵynan aıyrylǵan bolatyn.
«Jumystan ketýge daıynmyn ba? Iá. Maǵan degen senim joǵalǵan sátte jumystan ketýge daıynmyn (aıtpaqshy, Ómirııaev qamaýǵa alynǵan sátten bastap, men eki ret otstavkada boldym - 2014 jyldyń sáýirinde mınıstrler kabınetiniń otstavkasy kezinde jáne tamyzda úkimetti ońtaılandyrý kezinde). Bul meniń jumysymdy baǵalamaıdy degendi bildire me? Joq. Men óz jumysymdy óte baǵalaımyn. Maǵan qazirgi jumysym unaıdy. Tipti men oǵan áýespin deýge bolady. Basqalaı bolǵan jaǵdaıda mundaı aýyr júkti (birinshi kezekti moraldyq turǵydan) kóterý múmkin bolmas edi. Jaqsy nátıje de joq emes (kelisemin - bul jeke pikirim). Sheshilmegen mindetter de jeterlik», - dep jazdy A. Mamytbekov áleýmettik jelidegi paraqshasynda.
Esterińizge sala keteıik, M. Ómirııaev memlekettik satyp alýlar konkýrsynda kásipkerge jeńimpaz atanýǵa kómek bergeni úshin 100 myń AQSh dollary somasynda para aldy dep aıyptalǵan edi. Qarjy polıtsııasy aýyl sharýashylyǵy eks-vıtse-mınıstrin 2013 jylǵy 21 jeltoqsanda qamaýǵa alǵan bolatyn.