Mınıstr mádenıet salasy qyzmetkerleriniń jalaqysy naqty qanshaǵa ósetinin aıtty

NUR-SULTAN, QazAqparat – QR Mádenıet jáne sport mınıstri Aqtoty Raıymqulova mádenıet salasy qyzmetkerleriniń jalaqysyn kóterý týraly aıtty, habarlaıdy QazAqparat tilshisi.

«Ózderińiz biletindeı, Prezıdent Joldaýynda mádenı sala qyzmetkerleriniń jalaqysyn ósirý máselesin kóterdi. Bul rette eń aldymen kitaphana, teatr, mýzeı qyzmetkerleriniń aılyǵy joǵarlaıdy. Naqtylaı tússek, búgingi kúnde mádenıet salasy qyzmetkerleriniń jalaqysyn 50% kóteretindeı jumystar jasalýda», - dedi Aqtoty Raıymqulova Ortalyq kommýnıkatsııalar qyzmetinde ótken brıfıngte.

Mınıstr bul sheshim elimizdiń rýhanııatyna degen erekshe qoldaý jáne mádenıet salasy qyzmetkerlerine artylǵan úlken jaýapkershilik dep túsinetinin jetkizdi.