Mınıstr qyryqqabat pen sábizdiń qymbattaýy týraly: Jańa pisken ónim qoımadaǵydan qymbatyraq bolyp jatyr

ASTANA. QazAqparat – QR Aýyl sharýashylyǵy mınıstri Erbol Qarashókeev qyryqqabat pen sábizdiń qymbattaýyna pikir bildirdi, dep habarlaıdy QazAqparat tilshisi.

«Baǵany turaqtandyrý sharalaryna qaramastan, qyryqqabat pen sábiz qymbattap ketti. Bul nege baılanysty?» dep surady BAQ ókili.

AShM basshysynyń aıtýynsha, buǵan qoımadaǵy byltyrǵy ónimniń bite bastaýy sebep bolǵan.

«Maýsymda byltyrǵy jyldyń qory bitedi de, balǵyn ónimder ákelinedi. Erte pisetin kókónister sál qymbatyraq bolyp jatyr. Kókónis ońtústik óńirler men irgeles memleketterden kelip jatyr. Biz kóknis saqtaıtyn qoımalardyń sanyn arttyrý josparyn qaıta qarap jatyrmyz. Byltyr biz 2021-2022 jyldardyń josparyn 110% artyǵymen oryndadyq. Bıyl da arttyrýdy josparlap otyrmyz», - dedi ol.

Sondaı-aq, vedomstvo basshysy kókónis qoımasyn salýǵa beriletin sýbsıdııa kólemi kóbeıtilgenin eske aldy.

«Kólemi 100 myń tonnadan asatyn kókónis qoımasyn salamyz. Biz sýbsıdııalaý erejesin ózgertemiz. Buryn kókónis qoımasyn salýǵa ketken shyǵynnyn 25% sýbıdııalansa, qazir bul kórsetkishti 40%-ǵa deıin jetkizemiz. Eger qoımada tońazytý qondyrǵylary, ishtegi gazdy retteý júıesi bar bolsa, 50%-yna deıin sýbsıdııalanady», - dedi Erbol Qarashókeev.