Mınıstr: Qurylys naryǵyn sál-pál sabasyna túsiremiz
«Ókinishke qaraı, qoldanystaǵy memlekettik satyp alý júıesi boıynsha biz kez kelgen qatysýshyny qandaı da bir konkýrsqa qatysýǵa jiberýden bas tarta almaımyz. Mysaly iri kompanııa Aqtaýdaǵy jol qurylysynyń konkýrsyn jeńip alady. Biraq olardyń sol jaqqa kúsh jumyldyryp jatqanyn kóre bermeımiz. ıAǵnı, osy jaqtan búkil tehnıkasyn aparyp áýre bolmaıdy. Sol jerdegi tehnıkany, adamdardy jaldaı bastaıdy. Sondyqtan jergilikti qurysshylarǵa áldeqaıda teń múmkindik berý úshin «Eger iri nysannyń tenderine qatyssań, sol jerde óz tehnıkań men adamdaryń bolsyn» degen talap qoımaqshymyz. Biz osyndaı jolmen júremiz. ıAǵnı, bireýdi sózben kóndireıik dep otyrǵan joqpyz. Monopolızatsııaǵa jol bermeý úshin jáne bireýlerdiń naryqta ústemdik etýin boldyrmaý úshin júıeli sharalar qabyldaımyz», - dedi Qaıyrbek Óskenbaev.
Sondaı-aq, ol bıyl baspana naryǵyna byltyrǵydaı ınvestıtsııa bolmaýy múmkin ekenin aıtty.
«Byltyr zeınetaqy jınaǵyndaǵy shekti mólsherden artylǵan somany baspana máselesine jumsaýǵa ruqsat berilgen kezde bir mezette naryqqa aqsha quıyldy. Bıyl ondaı bolmaıdy. Biz jyl saıyn shamamen 2 mln sharshy metr baspana ósimin qamtamasyz etip kelemiz. Biraq qurylys ındýstrııasy bul qarqynǵa ilese almaı jatyr. Injenerlik kommýnıkatsııa da úlgermeı jatyr. Óıtkeni jylý, energııa jelilerin keńeıtý úshin qosymsha ýaqyt kerek. Olar bir jyldyń ishinde qýatty 20-30 paıyz kótere almaıdy. Sondyqtan Memleket basshysy qurylys ındýstrııasy men ınfraqurylymnyń qolyndaǵy qýatty qazirgi kólemmen teńestirip alý týraly mindet qoıdy. Qazir taldaý júrgizip jatyrmyz. Qurylys naryǵyn sál-pál sabasyna túsiretin shyǵarmyz», - dedi mınıstr.
