Mınıstr koronavırýsqa qarsy jappaı vaktsınalaý naýqanyna daıyndyq týraly aıtty

NUR-SULTAN. QazAqparat – Densaýlyq saqtaý mınıstri Alekseı Tsoı elimizdiń koronavırýsqa qarsy jappaı vaktsınalaý naýqanyna daıyndyǵy týraly aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda sáýir aıyndaǵy jappaı erikti túrde vaktsınalaýǵa Qazaqstannyń daıyndyǵy týraly suraldy. Atap aıtqanda, halyqtyń 60 paıyzy sáýirde ekpe saldyrǵysy kelse, olardyń barlyǵyn vaktsınamen qamtamasyz etý múmkindigi týraly suraq qoıyldy.

«Biz osy naýqanǵa daıyndalyp jatyrmyz. Osy merzimde qazaqstandyq vaktsına paıda bolýy múmkin. Vaktsınalaý jelisi bizde qurylǵan. Jalpy, dárigerler bul naýqanǵa daıyndaldy. Barlyǵy ekpeniń kelip túsýi kólemine baılanysty bolatyny anyq», - dedi mınıstr.

A. Tsoı barsha álemde vaktsınanyń tapshylyǵy sezilip jatqanyn atap ótti.

«Naryqqa vaktsınanyń keleýi deńgeıine qaraı biz barsha Qazaqstan boıynsha vaktsınalaýdy qamtamasyz etemiz. Atap aıtqanda, tońazytqysh jabdyqtar tekseristen ótti. Eske sala keteıin, tumaýǵa qarsy vaktsınalaýda bir aı ishinde 2 mln-nan astam adamǵa ekpe salyndy. Sondyqtan biz úshin osyndaı kólem qalypty túrde iske asyrylady. Eń bastysy, ekpeniń tıimdiligin kórip, vaktsınalaý oryndaryna kelip, erikti túrde koronavırýstan ujymdyq qorǵanysty qoldaǵany mańyzdy», - dedi vedomstvo basshysy.

Osy oraıda ol kezeń-kezeńmen el halqy ekpe saldyrýdan ótetinin naqtylady.

Budan buryn habarlanǵandaı, QR Densaýlyq saqtaý vıtse-mınıstri Ajar Ǵınııat Qazaqstanda qashannan bastap maskasyz júrýge bolatynyn aıtty.

«Halyqtyń ortasynda ujymdyq ımmýnıtet qalyptaspaı, halyqtyń 60 paıyzdan astamy vaktsınalaýdan ótpeı, maskany sheshýge bolmaıdy. Ujymdyq ımmýnıtet qalyptasqannan keıin ǵana maskasyz júrýge bolady», - dedi vıtse-mınıstr.