Mınıstr kólik terezesin tolyq qarańǵylaý týrasynda: bul usynysqa múldem qarsymyz

ASTANA. KAZINFORM – Іshki ister mınıstri Erjan Sadenov avtokólik terezelerin tolyq qarańǵylaýǵa múldem qarsy ekenin málim etti.

Búgin Parlament Májilisindegi baspasóz máslıhatynda tilshiler avtokólikterdiń aldyńǵy búıir terezesin aqyly túrde qarańǵylaýdy zańdastyrý usynysy boıynsha suraq qoıdy.

- Biz bul usynysqa múldem qarsymyz. Bizde ruqsat etilgen norma bar, aldyńǵy búıir terezege jabystyrýǵa bolmaıdy, al artqy búıir terezelerdi qarańǵylaýǵa ruqsat etilgen. Tıisti standarttar eskerilgen. Atap aıtqanda, avtokólik terezesin tolyq qarańǵylaýǵa toqtalsaq, bul usynys qaýipsizdik turǵysynan qısynsyz, - dedi E.Sadenov.

Eske salsaq, bıyl mamyr aıynda Májilis depýtaty Oljas Quspekov avtokólikterdiń aldyńǵy búıir terezesin aqyly túrde qarańǵylaýdy zańdastyrý týraly usynys aıtty.