Mınıstr qyzǵaldaq julǵandarǵa qomaqty aıyppul qarastyrylǵanyn eske saldy
ASTANA. KAZINFORM — Ekologııa jáne tabıǵı resýrstar mınıstri Erlan Nysanbaev elde qyzǵaldaq pen báısheshek julǵandarǵa qomaqty aıyppul salý jazasy eskerilgenin eske saldy.
— Bul ósimdikterdi julmaýǵa keńes beremin, sebebi olar onsyz da sırek kezdesedi. Sondyqtan osy ósimdikter tıisti tizimge («Qyzyl kitapqa») engizilgen. Jyl saıyn álemde ósimdikter men janýarlar túrleri joıylyp bara jatqanyn baıqap otyrmyz. Al osy joıylý qaýpi aldaǵy ýaqytta teris saldarǵa alyp kelýi múmkin. Sondyqtan tabıǵatty qorǵaý kerek, — dedi Erlan Nysanbaev Parlament Májilisinde tilshiler suraǵyna jaýap bere otyryp.
Eske salsaq, byltyr Túrkistan oblysynda qyzǵaldaq julǵan turǵynǵa qatysty qylmystyq is qozǵalǵan edi.
Sonymen qatar, 2025 jyly Aqtóbede qyzǵaldaqpen fotoǵa túsken aýyl ákimi ákimshilik jaýapqa tartylady.
