Mınıstr Qazaqstanda «Rýbej» statsıonarlyq beketteri ne úshin jabylǵanyn túsindirdi
NUR-SULTAN. QazAqparat – Qazaqstanda avtokólik júrgizýshileriniń shaǵymdaryna oraı «Rýbej» statsıonarlyq beketteri qysqartyldy. Bul týraly QR Іshki ister mınıstri Erlan Turǵymbaev málim etti, dep habarlaıdy QazAqparat tilshisi.
Búgin Parlament Senatyndaǵy Úkimet saǵatynda 2019-2021 jyldarǵa arnalǵan ishki ister organdaryn jańǵyrtý boıynsha Jol kartasyn iske asyrý taqyryby talqylandy.
«Eldiń ishinde turǵan «Rýbej» statsıonarlyq beketter qysqartyldy. Atap aıtqanda, avtokólik júrgizýshileri tarapynan shaǵymdar kóp túsken edi, ıaǵnı osy beketterde kólikter esh sebepsiz toqtatylatyny aıtylǵan edi», - dedi mınıstr.
Onyń sózine qaraǵanda, atalǵan beketter jumysyn toqtatý nátıjesinde qylmystylyq jaǵdaıdyń ýshyǵýy oryn almaǵan.
«Atalǵan beketterden bosaǵan 300 qyzmetker qoǵamdyq tártipti saqtaý sharalaryna jumyldyryldy», - dedi Erlan Turǵymbaev.
