Mınıstr Qazaqstanda AES salýǵa nıetti elder týraly: Báriniń osal tustaryn bilemiz
ASTANA. KAZINFORM – Energetıka mınıstri Almasadam Sátqalıev Úkimettiń keńeıtilgen otyrysynan keıin ótken baspasóz máslıhatynda Qazaqstanda alǵashqy AES salýmen aınalysatyn konsortsıýmnyń quramy áli aıqyndalmaǵanyn aıtty.
- Ózderińiz bilesizder, bul másele boıynsha vedomstvoaralyq komıssııa qurylǵan. Konsortsıýmnyń quramyn anyqtaý máselesi osy komıssııanyń ókiletine kiredi. Qazirgi tańda konsortsıým quramy áli aıqyndalǵan joq, - dedi ol.
Mınıstrdiń sózinshe jobaǵa qatysýǵa úmitkerlerdiń ótinimderi áli qaralyp bitpegen.
- Biz olardyń báriniń osal tustaryn bilemiz. Búkil zaýyttardy aralap shyqtyq. Úkimet vedomstvoaralyq komıssııamen birge Qazaqstan ekonomıkasynyń múddesine saı sheshim qabyldaıdy, - dedi Almasadam Sátqalıev.
Onyń paıymdaýynsha, QQS-tyń máni burmalanyp otyr jáne bul burynǵy jyldary júrgizilgen salyq reformalarynyń saldary.