Mınıstr Qazaqstan saýdalaıtyn 9 negizgi taýardy atady

ASTANA. KAZINFORM — Jarty jylda taýar aınalymy 31 trln teńgeden asty. Saýda jáne ıntegratsııa mınıstri Arman Shaqqalıev birinshi jartyjyldyqtaǵy saýda salasyndaǵy nátıjelerdi baıandady.

− 2025 jyldyń birinshi jartyjyldyǵynda saýda kólemi 8,4% ósti, al taýar aınalymy 31,4 trıllıon teńgeni qurady. Onyń ishinde kóterme saýda 9,2% ósti (21,2 trıllıon teńge), bólshek saýda 6,6% qurady (10,2 trıllıon teńge), − dedi A. Shaqqalıev Úkimettiń búgingi otyrysynda.

Saýdanyń ósýi kóterme saýdadaǵy 45% asatyn negizgi 9 taýar esebinen qamtamasyz etildi. Bul munaı jáne munaı ónimderi, gaz, turmystyq tehnıka, uıaly telefondar, farmatsevtıka, mashına jasaý ónimderi, astyq jáne temeki.

Bul taýarlar boıynsha jyl sońyna deıingi boljamdy satý kólemi 26,4 trıllıon teńge bolýy kerek, ony eń aldymen ishki óndiristi ósirý esebinen qamtamasyz etý qajet.

− 6 aıdyń qorytyndysy boıynsha barlyq óńirler ósýdi kórsetip otyr. Eń úlken úlesti qamtamasyz etken 5 óńirge barlyq taýar aınalymynyń 72% quraıdy. Bul Almaty, Astana, Shymkent qalalary, Atyraý jáne Qaraǵandy oblystary. Ósý qarqyny boıynsha kóshbasshylar – Túrkistan (+69,3%), Aqmola (+45,4%) jáne Pavlodar oblystary (+22,3%), − dedi Saýda mınıstri.

Aıta keteıik, búgin Úkimette bıylǵy qańtar-maýsym aılaryndaǵy áleýmettik-ekonomıkalyq damý jáne respýblıkalyq bıýdjettiń atqarylý qorytyndylary qaralyp jatyr. Qazaqstan ekonomıkasy 6 aıda 6,2 paıyz ósim kórsetken.