Mınıstr Qazaqstan men Ózbekstan shekarasynda vagondardyń keshigýine ne sebep ekenin aıtty
ASTANA. KAZINFORM – Qazaqstannyń Kólik mınıstri Nurlan Saýranbaev Qazaqstan men Ózbekstan shekarasyndaǵy vagondardyń keshigý sebebin túsindirdi.
Onyń aıtýynsha, keshigý maýsymdyq júk tıeý men tranzıt kóleminiń kúrt artýyna baılanysty bolyp otyr.
- Birneshe jaǵdaı boldy. Maýsymdyq júk tıeý bar, ol kezde bári: kómir, janar-jaǵarmaı, astyq tıeledi. Munyń bári osyndaı jaǵdaıǵa ákeledi. Biraq jalpy alǵanda, Ózbekstan men Qazaqstan túıisken jerde biz buryn 24 poıyzdy ótkizetinbiz jáne bul jetkilikti boldy. Biraq endi bul kórsetkish bıyl 35-ke deıin artty. Bul ne? Birinshiden, geografııa ózgerdi. Aýǵanstan Reseı men Qazaqstannan azyq-túlik pen taýarlar satyp ala bastady. Buryn Ózbekstan árqashan tutynýdyń sońǵy núktesi boldy jáne sol 24 poıyz jetkilikti edi. Búginde ol 35 poıyzdy qabyldaıdy jáne úlgermeı jatyr, - dep málimdedi mınıstr Úkimettegi brıfıngide.
Buǵan deıin Úkimet otyrysynda Premer-mınıstr Oljas Bektenov «Qazaqstan temir joly» AQ-nyń basqarma tóraǵasy Talǵat Aldybergenovke Ózbekstanǵa qaraı júk vagondarynyń jınaqtalýyna jol bergen kompanııanyń laýazymdy tulǵalaryn jaýapqa tartýdy tapsyrdy.