Mınıstr qaı oblystarda balalarǵa qatysty zorlyq-zombylyq jıi bolatynyn aıtty

TÚRKІSTAN. QazAqparat – Balalarǵa qatysty zorlyq-zombylyq qylmysy kóbine Jambyl, Pavlodar, Atyraý, Almaty, Qyzylorda oblystarynda bolǵan. Bul týraly Aqparat jáne qoǵamdyq damý mınıstri Darhan Qydyráli Túrkistanda ótken jıynda málimdedi, dep habarlaıdy QazAqparat tilshisi.

Elimizde kámeletke tolmaǵandarǵa jynystyq tıispeýshilikke qarsy qylmys boıynsha jazasyn ótegen 374 adam resmı tirkelgen.

Іshki ister mınıstrliginiń málimeti boıynsha mundaı qylmyskerlerdiń jasy – 21-den 82 jasqa aralyǵyn qamtıdy. Sondaı-aq jyl basynan bergi jarty jyldyń ishinde balalarǵa zorlyq-zombylyq kórsetken qylmystyń kóbi Jambyl, Pavlodar, Atyraý, Almaty, Qyzylorda oblystarynda bolǵan.

«Qazaqstandaǵy búldirshinderge qatygezdikpen jábir kórsetkender, eń aldymen ózderi tanıtyn, jaqyn aralasatyn adamdar ekeni anyqtalǵan. Ol qatarda balalardyń ógeı ákeleri jáne anasymen birge turatyn úshinshi adam, odan keıin tipti týystary men týǵan ákeleri tur. Eń sońǵy orynda – kórshileri», - mınıstr.

Aıta keteıik, Túrkistan qalasynda «Qazaqstandaǵy balalarǵa qatysty zorlyq-zombylyqtyń aldyn alý» taqyrybynda dóńgelek ústel ótip jatyr.