Mınıstr Qasymov Shý dalasynyń esirtki alqaptaryndaǵy jumystar nátıjesiz ekenin moıyndaıdy
ASTANA. 13 qańtar. QazAqparat - Esirtkiniń shıkizat bazasy bolyp tabylatyn Shý alqabynyń problemasyn sheshý qajettiligi týyndap otyr. Ókinishke oraı, buǵan deıingi bizdiń osy baǵyttaǵy jumystarymyzdan esh nátıje shyqpady. Búgin Parlament Májilisinde ótip jatqan Úkimet saǵatynda QR Іshki ister mınıstri Qalmuhanbet Qasymov osylaı málimdedi.
«Elimizde esirtki bıznesin azaıtýdyń aýqymdy sharalaryn qabyldaýmen qatar, bizge shartty túrde tıimdi profılaktıka uıymdastyrý kerek. Budan bólek, nashaqorlardy emdeý jáne esirtkige qarsy nasıhat júrgizý boıynsha naqty ister qajet», - deıdi mınıstr Q. Qasymov. Vedomstvo basshysynyń sózine qaraǵanda, ótken bir jyl ishinde esirtki qylmysy 2,7 paıyzǵa azaıǵanymen, esirtki kontrabandasy eki esege ósken.
