Mınıstr Qasymov qos Vladımırmen jabyq jınalys ótkizip jatyr
ASTANA. QazAqparat - Astanadaǵy «Marrıot» qonaq úıinde Qazaqstan, Reseı men Belarýstyń tótenshe jaǵdaılar vedomstvolarynyń birlesken otyrysy bastaldy. Eki áriptes eldiń tarapynan tótenshe jaǵdaılar mınıstrleri keldi. Al Qazaqstan jaǵynan QR Іshki ister mınıstri Qalmuxambet Qasymov teń tóraǵalyq etýde. Sebebi tótenshe jaǵdaılar komıteti atalǵan mınıstrliktiń quramyna kiredi, dep xabarlaıdy QazAqparat tilshisi.
«Búgingi otyrysta biz tótenshe jaǵdaılarǵa boljam jasaý salasyndaǵy mamandardy daıarlaý máselesin, sondaı-aq shekara aımaǵydaǵy tótenshe jaǵdaılardyń aldyn alý sharalary men sý nysandarynda qaýipsizdikti qamtamasyz etý jaıyn qaraıtyn bolamyz. Budan bólek, sý tasqynyna qarsy ózara tájirıbe almasý, ǵaryshtyq baqylaýdy birlesip júrgizý men jańadan salynyp jatqan kópqabatty turǵyn úılerde órt sóndirý sııaqty máselelerdi kún tártibine engizgenimiz durys boldy , - dedi Qasymov otyrystyń ashylýynda.
Mınıstrdiń aıtýynsha, búginde atalǵan baǵyttarda qutqarýshylar kún saıyn san alýan qıynshylyqtarǵa tap bolady. Sebebi tájirıbe jetispeıdi, mamandardyń kásibı daıyndyǵy da zaman talabyna saı bolmaı jatady. Normatıvtik aktiler men ádistemeniń tapshylyǵy da keri ásirin tıgizedi. Osyǵan baılanysty búgingi otyrys aıasynda barlyq máselelerdi keńinen talqylaý josparlanǵan.
Aıta keteıik, otyrysqa RF azamattyq qorǵanys, tótenshe jaǵdaılar men tabıǵı apattardyń saldaryn jónindegi mınıstri Vladımır Pýchkov pen Belarýstyń tótenshe jaǵdaılar mınıstri Vladımır Vaşenko qatysýda. Birlesken májilistiń basy xattama boıynsha ashylyp, ary qaraı jabyq kúıinde jalǵasty.
