Mınıstr Qasymov eki ınternet-portalǵa qatysty tergeýdiń sebebin aıtty
ASTANA. QazAqparat - QR Іshki ister mınıstri Qalmuxanmbet Qasymov Ratel pen Forbes basylymdaryna qatysty tergeý sharalaryn túsindirdi, dep xabarlaıdy QazAqparat tilshisi.
«30 naýryzda Astana qalasynyń Іshki ister departamentine Kákimjanov myrzanyń tarapynan aryz tústi. Ol Qazaqstannyń Ratel men Forbes atty saıttarynda jalǵan aqparattyń, onyń ishinde onyń ataq-abyroıyna zııan keltiretin málimetterdiń taralýyna shaǵymdandy. Atalǵan aryz sotqa deıingi reestrde tirkeldi. QR Qylmystyq kodeksiniń 274-baby 3-tarmaǵy boıynsha tergeý bastaldy. Aıta keteıin, búgingi jaǵdaıǵa deıin uzaq sot otyrystary boldy. Medeý aýdandyq soty barlyq saraptamalardy eskere otyryp, aryz berýshige qatysty aqparattyń jalǵan ekenin anyqtady», - dedi Q.Qasymov Úkimet otyrysynan soń jýrnalısterge bergen suxbatynda.
Mınıstrdiń aıtýynsha, aryz berýshi Kákimjanov sot sheshimi negizinde quqyq qorǵaý organdaryna shaǵymdandy. Sot tergeý men tintý sharalaryna sanktsııa berdi.
«Sondyqtan jumys ornynda jáne jeke basty tintýge ruqsat bar. Qazir tergeý organdary tıisti sharalardy atqaryp jatyr. Ázirshe, osyny ǵana aıta alamyn», - dep atap kórsetti Q.Qasymov.
Osyǵan deıin Almaty qalalyq polıtsııa qyzmetkerleriniń eki portaldyń redaktsııasynda tergeý júrgizip jatqandyǵyn habarlaǵan bolatynbyz.
