Mınıstr kásipkerlerdi «ımporttyq qoqyspen» kúresýge shaqyrdy

NUR-SULTAN. QazAqparat – Búgin Úkimet úıinde ótken baspasóz máslıhatynda QR Saýda jáne ıntegratsııa mınıstri Baqyt Sultanov kásipkerlerdi «ımporttyq qoqysqa» tosqaýyl qoıýǵa shaqyrdy, dep habarlaıdy QazAqparat tilshisi.

Saýda júıesi dıstrıbıýtorlyqta qurylǵanyna toqtalǵan mınıstr, «Alypsatarlar, onyń ishinde ımporttaýshylar ónimniń sapasyna múddeli emes, olardy tez tabys qana qyzyqtyrady. Sonymen qatar, olar sertıfıkattardy jıi satyp alady. Bul turǵyda sáıkestikti rastaý rásimin buzýshylyqpen akkredıtteý organdary bergen «sur» (ıaǵnı synaqtar júrgizilmeı) nemese jaı ǵana jalǵan «qara» qujattar», - dedi.

Onyń aıtýynsha, Ulttyq ortalyq atalǵan faktilerdi anyqtaý boıynsha sharalardy bastap ketti. Osy oraıda, B. Sultanov kásipkerlerdi ishki naryqty alaıaqtardan birlesip qorǵaýǵa shaqyrdy.

«Biz mundaı «ımporttyq qoqysqa» tosqaýyl qoıýdy jáne aldyn ala synaqtarsyz ónimdi Qazaqstan aýmaǵyna kirgizýge tyıym salýdy usynamyz. ıAǵnı, ımporttaýshy bizdiń naryqqa qoıǵysy keletin taýardyń sapasyn, onyń tehtalaptarǵa sáıkestigin aldyn ala rastap, keıin onyń shekaradan ótýine ruqsat alǵanyn qalaımyz», - dedi Saýda jáne ıntegratsııa mınıstri.

Bul turǵyda «kóleńkeli» aınalym men kontrafaktige qarsy is-qımyldyń tıimdi tetigi retinde taýarlardy tańbalaý yqpal etpek.