Mınıstr Qashaǵannan munaı ıgerý ekinshi jartyjyldyqta bastalady dep úmittenedi
ASTANA. QazAqparat - Qashaǵannan munaı óndirý aǵymdaǵy jyldyń ekinshi jartyjyldyǵynda bastalady degen úmit bar. Búgin Parlament Májilisindegi Úkimet saǵatynda Ekonomıka jáne bıýdjettik josparlaý mınıstri Erbolat Dosaev osylaı málim etti.
«Aldyn ala boljamdarǵa sáıkes, munaı óndirisi 2,5 mln. tonna bolady, ári ketkende 3 mln. tonna bolýy múmkin dep josparlap otyrmyz. Biz osyndaı kólemdegi óndiriske qol jetkizgimiz kelip otyr. Degenmen, naqty kólem jobanyń saraptama jumystarynyń nátıjesi shyǵyp, munaı óndirisi bastalǵannan keıin belgili bolady. Al jalpy, Qashaǵannan munaı ıgerý ekinshi jartyjyldyqta bastalady dep úmittenemiz», - dedi Ekonomıka mınıstri Erbolat Dosaev.
