Mınıstr Qarashókeev: Kıik sanyn qoldan retteý qajet, bul tájirıbe baıaǵydan bar

ASTANA. QazAqparat – Aýyl sharýashylyǵy mınıstri Erbol Qarashókeev Úkimet otyrysynan keıin tilshilerge bergen suhbatynda kıik popýlıatsııasynan shyǵyn kórgen sharýalarǵa ótemaqy tóleý týraly pikir bildirdi, dep habarlaıdy QazAqparat tilshisi.

«Eger jaıylymǵa zaqym kelse, bul jemshóp sýbsıdııasyn alýǵa negiz bolady. Al egiske kelsek, mundaǵy ahýal sál basqasha. Qazir biz arnaıy ádisteme ázirlep jatyrmyz. Óıtkeni esepteý kerek qoı. Áýeli saqtandyrý boıynsha rettegimiz kelgen. Saqtandyrý kompanııalarymen birge eseptep kórdik. Naqty bir aýmaq boıynsha saqtandyrýdyń táýekeli óte joǵary ekenin túsindik. ıAǵnı, saqtandyrý quny óte qymbat bolady. Osyǵan baılanysty bul jol bızneske jaramsyz dep oıladyq. Saqtandyrýǵa óte kóp aqsha tóleý kerek bolady», - dedi Erbol Qarashókeev.

Mınıstr kıik sanyn qoldan retteý týraly da pikir bildirdi.

«Eń tıimdi joly kıik sanyn retteý ekenin túsiný qajet. Qazirgi istep jatqanymyzdyń bári –saldarymen kúresý ǵana. Al kıik sanyn retteý Aýyl sharýashylyǵy mınıstrliginiń quzyryna kirmeıdi. Kıik sany baıaǵydan rettelip kelgen», - dedi ol.