Mınıstr Qalmuhanbet Qasymov balalarǵa tosyn syı jasady
ASTANA. QazAqparat - QR Іshki ister mınıstri Qalmuhanbet Qasymov balalarǵa jańajyldyq tosyn syı jasady. Bul jaıynda QR ІІM Memlekettik til jáne aqparat departamentiniń dırektory Almas Sadýbaev Feısbýktegi paraqshasynda jazdy, dep habarlaıdy QazAqparat.
«Astananyń qaıyrymdy jandary klýbymen birge «Saryarqa» saýda oıyn-saýyq ortalyǵyna jańajyldyq tilek shyrshasyn ornatyp, ony múmkindigi shekteýli jáne taǵdyrdyń qıyn jaǵdaıyna tap bolǵan balalardyń hattarymen bezendirdik. Tilekterdi bizdiń qyzmetkerler oryndaıtyn bolady. 10 kún boıy olar balalardy uzaq ýaqyt armandaǵan syılyqtarymen qýantady. Merekelik aktsııany Іshki ister mınıstri Qalmuhanbet Qasymov bastap berdi. Onyń atynan úsh balaǵa jańajyldyq tosyn syı jasaldy», - dep jazdy Almas Sadýbaev.
Departament basshysynyń aıtýynsha, polıtsııa qyzmetkerleri mundaı aktsııalarǵa únemi qatysyp keledi.
«Bizder úshin balalardyń jańajyldyq tańǵajaıypqa sengenderi ári armandarynyń shynaıy júzege asqany óte mańyzdy. Qalanyń árbir turǵyny ózin Aıaz ata retinde sezinýge múmkindik bar. Ol úshin shyrshadaǵy qaltalardyń birinen hat alyp, ondaǵy tilekti mindetti túrde oryndaýy qajet», - dedi ol.
